![Picture](/uploads/3/8/7/2/38727175/3069851.jpg?422)
Tanah Adat ( NCR Land)
Tabi bala maioh, aku deka mai kitai sama berati sereta bela meratika “ Tanah Adat” nitih penemu sida ke tuai kelia menya ti belalau ka adat bansa kitai Iban empu. Kebuah pia, utai tu patut ditemu anak Iban ke rebak baru laban bungkur reti “ Tanah Adat” tu diatu tau disemaka kitai ngagai ; Sekali Ai Bah, Sekali Pasir Berubah; sekali ai besai, sekali ga keranggan tebantai”.
Kelia Penghulu ‘Asun Bah Tunggal’ kala belaya enggau perintah Rajah Brooke ketegal Bah Tunggal ti enggai ngaku tanah perintah ( State Land, Crown Land). Ba penemu Bah Tunggal perintah nadai kuasa ba tanah laban tanah tu utai digaga Raja Semenugah. Lalu ukai digaga Rajah Brooke. Semina Raja sempulang Gana aja bisi kuasa ba tanah kenu ku Bah Tunggal laban Pulang Gana tu ga menantu Raja Semenugah seduai Dayang Sindut penusut bungai kayu begulu di munggu nyadi kampong, Dayang sinak penebak batu baku begerugu banyak betemanung. Pengeraja asal bansa Iban tauka Dayak ke dikumbai “Tanah Adat” tauka Native Customary Right (NCR) Land dalam Adat Iban ke dititi ditali bansa Kitai Iban ari kelia menya ke dibagi ngagai dua iti ianya ‘Menua’ enggau “Pemakai Menua”
Tabi bala maioh, aku deka mai kitai sama berati sereta bela meratika “ Tanah Adat” nitih penemu sida ke tuai kelia menya ti belalau ka adat bansa kitai Iban empu. Kebuah pia, utai tu patut ditemu anak Iban ke rebak baru laban bungkur reti “ Tanah Adat” tu diatu tau disemaka kitai ngagai ; Sekali Ai Bah, Sekali Pasir Berubah; sekali ai besai, sekali ga keranggan tebantai”.
Kelia Penghulu ‘Asun Bah Tunggal’ kala belaya enggau perintah Rajah Brooke ketegal Bah Tunggal ti enggai ngaku tanah perintah ( State Land, Crown Land). Ba penemu Bah Tunggal perintah nadai kuasa ba tanah laban tanah tu utai digaga Raja Semenugah. Lalu ukai digaga Rajah Brooke. Semina Raja sempulang Gana aja bisi kuasa ba tanah kenu ku Bah Tunggal laban Pulang Gana tu ga menantu Raja Semenugah seduai Dayang Sindut penusut bungai kayu begulu di munggu nyadi kampong, Dayang sinak penebak batu baku begerugu banyak betemanung. Pengeraja asal bansa Iban tauka Dayak ke dikumbai “Tanah Adat” tauka Native Customary Right (NCR) Land dalam Adat Iban ke dititi ditali bansa Kitai Iban ari kelia menya ke dibagi ngagai dua iti ianya ‘Menua’ enggau “Pemakai Menua”
![Picture](/uploads/3/8/7/2/38727175/2679823.jpg?387)
Reti “Menua’ dalam Adat Iban iya nya kandang tanah ti dipegai enggau diguna raban bansa Iban tauka Dayak ti nyengkaum rumah, umai, kerukuh, budu, dijap, pengerang, damun, temuda, tembawai, madang buah, sungai, pendam enggau pendaie. Lalu reti “ Pemakai Menua” tu nyengkaum pulau galau(endur ngasu beburu, ngupa meningga, manjuk, ngambi ramu, ngiga wi, ban sentutubung) enggau sungai ( ai endur mansai, bebubu, nyala, nginti, mukat enggau ti bukai) ti enda bangat jauh sereta agi ulih digagai ari rumah tauka rumah panjai raban bansa Iban tauka Dayak.
Enggau penemu tu aku arapka kitai udah nemu bungkur reti “ Tanah Adat” ti belalauka adat asal kitai Bansa Iban empu ngambika kita badu agi saru enti dikelaburka orang mata enggau adat baru ke digaga ditempa orang ke ukai Iban tauka Dayak ti deka ngiga penguntung bepukuka pengeraja asal bansa kitai laban diatu setempap tanah pan bisi rega iya enti dipulaika ngagai mata duit. Penerang aku tu ukai mai nyakal undang-undang tauka nulak pemansang tang dikena beruruska atur diatu ke balat benibung ba kitai tang bepinang ba orang. Enti bansa kitai udah nadai agi “ Tanah Adat”, dia bansa kitai deka midang laya pambu, nadai pengujung bukai enti enda nyadi anak Kampar ba ai pendaie diri empu, lelabi ke bempu gaji tang tekura ke terima, orang dudi sangkai mati penyamai, tang kitai Dayak ke dulu buku pemerinsa.
Beketan Tunggal Tujuh Jengkal Ruang Belakang, Antu Kara Benua Tanah Tunsang.
Enggau penemu tu aku arapka kitai udah nemu bungkur reti “ Tanah Adat” ti belalauka adat asal kitai Bansa Iban empu ngambika kita badu agi saru enti dikelaburka orang mata enggau adat baru ke digaga ditempa orang ke ukai Iban tauka Dayak ti deka ngiga penguntung bepukuka pengeraja asal bansa kitai laban diatu setempap tanah pan bisi rega iya enti dipulaika ngagai mata duit. Penerang aku tu ukai mai nyakal undang-undang tauka nulak pemansang tang dikena beruruska atur diatu ke balat benibung ba kitai tang bepinang ba orang. Enti bansa kitai udah nadai agi “ Tanah Adat”, dia bansa kitai deka midang laya pambu, nadai pengujung bukai enti enda nyadi anak Kampar ba ai pendaie diri empu, lelabi ke bempu gaji tang tekura ke terima, orang dudi sangkai mati penyamai, tang kitai Dayak ke dulu buku pemerinsa.
Beketan Tunggal Tujuh Jengkal Ruang Belakang, Antu Kara Benua Tanah Tunsang.