![Picture](/uploads/3/8/7/2/38727175/1494219.jpg?245)
Libau (Rentap)
Libau Rentap tu siku tuai Iban ke pemadu kih, pemadu liat, ke nyadi kuta rayat ngelaban Rajah tang sayau endar laban bansa Iban enda kala segempung penemu ari kelia nyentuk ke diatu lebuh napi penguji ke mar ti beregaka seput baka ngelaban perintah Rajah Brooke. Tuai Rajah Putih ke kala betachah belaban enggau Libau Rentap tu menya iya nya Sir James Brooke enggau Sir Charles Brooke.
Libau tu tau serang numbangka menua laban iya tulung Keling seduai Kumang ari Panggau Libau. Iya tebilang agi disebut Rentap beduduk ari ensumbar iya ‘ Sumpit lasit tibung temaga, sumpit mit nyimpakka jerit Bintang Tiga. Labuh kebaruh munuh nyumbuh jelu nyala. Makai nuan Libau, runtuh tanah rentap menua’. Iya mega digelar orang Libau Panggau Dara, Rentap Tanah Kudi Menua.
Libau Rentap belabuh bemunsuh ngelaban Rajah dalam taun 1844 ke alai iya betempuh enggau bala Rajah ke diuluka Datuk Patinggi Ali di Kerangan Peris, Skrang. Ba serang tu bala Datuk Patinggi Ali parai dua puluh semilan lalu lima puluh enam iku bakal laban ditinggang bala Rentap engkerebah. Sida ti parai nya nyengkaum Datuk Patinggi Ali empu enggau siku bansa orang putih ke benama George Stewart. Sida ti mati tu dikuburka ba Undup memagang.
Lebuh belaban enggau bala Rajah ke betuaika William Brereton di Lintang Batang, Skrang dudi ari tu, manuk sabung Rentap ke benama Layang mujur munuh Tuan Alan Lee,bansa orang putih, lebuh perau sida Alan Lee berindas enggau perau sida Rentap. Iya ke bendar Rentap tu tadi deka nyerang kubu Rajah di Nanga Skrang tang William Brereton ke nyaga kubu nya dulu nemu rita Rentap deka ngalahka iya. Nya alai iya lalu minta bantu Alan Lee ke nyaga kubu Rajah di Lingga. Ba kayau tu kelia, siti utai ke nyelai bisi nyadi iya nya bansa indu utai ke tau nyengat baka indu gamang, naming enggau pantak sama enggau nyaup bala Rentap ngelaban bala Rajah – nyangka dibai kuasa Rentap ke chukup berantu. Kelimpah ari nya, jelu enturun, burung tiung enggau jelu empeliau seruran madah ke Rentap enti sema munsuh bisi datai deka ngalah ke iya.
Udah kayau tu, Rentap nambah tauka nyeruri ensumbar iya baru munyi tu,” Rentap Tanah Rentap Menua, Tuan Lee ke mati enda berega. Tuan Brereton tau masuk ka kain, end a te-anjungka bala Rajah. Rita Layang ke tampak terang, mandang ke Airupa. Abang Aing Badu agi ke pending bala. Undup abis tepelut leka mata. Balau nadai agi kerangau sebelah kerapa.”
Libau Rentap tu siku tuai Iban ke pemadu kih, pemadu liat, ke nyadi kuta rayat ngelaban Rajah tang sayau endar laban bansa Iban enda kala segempung penemu ari kelia nyentuk ke diatu lebuh napi penguji ke mar ti beregaka seput baka ngelaban perintah Rajah Brooke. Tuai Rajah Putih ke kala betachah belaban enggau Libau Rentap tu menya iya nya Sir James Brooke enggau Sir Charles Brooke.
Libau tu tau serang numbangka menua laban iya tulung Keling seduai Kumang ari Panggau Libau. Iya tebilang agi disebut Rentap beduduk ari ensumbar iya ‘ Sumpit lasit tibung temaga, sumpit mit nyimpakka jerit Bintang Tiga. Labuh kebaruh munuh nyumbuh jelu nyala. Makai nuan Libau, runtuh tanah rentap menua’. Iya mega digelar orang Libau Panggau Dara, Rentap Tanah Kudi Menua.
Libau Rentap belabuh bemunsuh ngelaban Rajah dalam taun 1844 ke alai iya betempuh enggau bala Rajah ke diuluka Datuk Patinggi Ali di Kerangan Peris, Skrang. Ba serang tu bala Datuk Patinggi Ali parai dua puluh semilan lalu lima puluh enam iku bakal laban ditinggang bala Rentap engkerebah. Sida ti parai nya nyengkaum Datuk Patinggi Ali empu enggau siku bansa orang putih ke benama George Stewart. Sida ti mati tu dikuburka ba Undup memagang.
Lebuh belaban enggau bala Rajah ke betuaika William Brereton di Lintang Batang, Skrang dudi ari tu, manuk sabung Rentap ke benama Layang mujur munuh Tuan Alan Lee,bansa orang putih, lebuh perau sida Alan Lee berindas enggau perau sida Rentap. Iya ke bendar Rentap tu tadi deka nyerang kubu Rajah di Nanga Skrang tang William Brereton ke nyaga kubu nya dulu nemu rita Rentap deka ngalahka iya. Nya alai iya lalu minta bantu Alan Lee ke nyaga kubu Rajah di Lingga. Ba kayau tu kelia, siti utai ke nyelai bisi nyadi iya nya bansa indu utai ke tau nyengat baka indu gamang, naming enggau pantak sama enggau nyaup bala Rentap ngelaban bala Rajah – nyangka dibai kuasa Rentap ke chukup berantu. Kelimpah ari nya, jelu enturun, burung tiung enggau jelu empeliau seruran madah ke Rentap enti sema munsuh bisi datai deka ngalah ke iya.
Udah kayau tu, Rentap nambah tauka nyeruri ensumbar iya baru munyi tu,” Rentap Tanah Rentap Menua, Tuan Lee ke mati enda berega. Tuan Brereton tau masuk ka kain, end a te-anjungka bala Rajah. Rita Layang ke tampak terang, mandang ke Airupa. Abang Aing Badu agi ke pending bala. Undup abis tepelut leka mata. Balau nadai agi kerangau sebelah kerapa.”
![Picture](/uploads/3/8/7/2/38727175/90620.jpg?1411748470)
Udahnya Libau Rentap ngaga kuta di sungai Lang ke pengkalan iya nyerang kubu Skrang. Kuta Rentap di Tebat Sungai Lang diserang Captain Brooke enggau Charles Johnson Brooke dalam bulan 1854 ti mai bala pengayau bisi tujuh ribu iku. Nyepi enda ulih nan Rentap mai bala iya rari. Ba kayau tu William Brereton mati laban kena penyakit muang ai. Lebuh nan ka bala Rajah di Tebat, Rentap empu bakal tang agi ulih rari. Ari Sungai Lang Libau Rentap nguta di Bukit Sadok. Ari Bukit Sadok, Rentap suah ngalahka bala Iban ka nanahka Rajah. Ku Rentap “ Orang putih sigi pedis dialahka di tasik laban sida maioh kapal enggau meriam, tang kitai iban landik bebunuh di darat dalam kampong serta enda merinsa niki bukit ke renjan-renjan.”
Kayau sadok keterubah 1857, Rajah Brooke bebalaka tiga ribu lima ratus iku pengayau dayak enggau lima ratus pengayau laut. Ba kayau tu mega tuai Laut ke benama Abang Aing bin Laksamana Aminuddin balat bendar bakal. Nyepi utai enda alah pajak. Charles Brooke mai bala iya nyurut ke diri. Jalai keterubah kayau Sadok tu nengah Batang Skrang empu. Dalam kayau keterubah tu siku manuk sabong Rentap ke benama Unsi mati laban iya ke pansut ari kuta deka ngiga Charles Brooke. Iya mati laban ditimbak bala Rajah.
Ba kayau keterubah tu , lapan hari berunggu bala Rajah merinsa laban ujan. Ujan ke nyengala enda ngetu-ngetu nya sepengelama dua ari semalam. Ujan tu ketegal bala sida Rentap ke begendang pampat dikena ngudi ari awakka rebut lalu bepuput kaya begemung, ujan lalu nelian labuh ngerunung. Lebih 70 buah perau Rajah ke ditinggal ke sida ba langkau pemasuh di Sungai Antu anyut laban bah. Lalu 40 iku sedadu Rajah mati lemas diteruju ai bah laban enda sempat ngerari ke diri. Ujan berunggu tu sekali agi ngayan ke kuasa Batu Reriga sida Rentap bisa endar laban enti kitai beratika utai tu enggau silik, bulan enam tu ending maya ari kemarau panjai di menua kitai di Sarawak ditu.
Dalam taun 1858, Charles Brooke matak kayau baru ngelaban Rentap di Bukit Sadok . Sekali tu Rajah mai bala pengayau maioh agi. Sida mega mai meriam besai siti. Lebih puluh kali bala Rajah medil kuta Rentap tang tetap nadai apa nama. Bala Rentap malas ngena seligi berachun serta digulu enggau tekang batu ke besai-besai. Nyau rais-rais panjong Rentap ‘ bai abis senapang kita ari Ai Ngelan. Kami enda takut ke orang putih”.
Nyepi enda alah laban, James Brooke mai bala iya nyurut ka diri. Ba kayau tu sida ngena jalai nengah Batang Layar laban jalai betiki ari Nanga Tiga, Layar enda tentu renjan enti dibandingka enggau jalai ari Batang Skrang.
Bulan semilan 1861, sekali agi Charles Brooke matak bala nyerang Rentap di Bukit Sadok. Sekali tub ala Rajah mai meriam besai agi ka digelar sida Bujang Sadok. Leboh maya tu, bala Iban ti nanahka Rentap nyau bebagi ati laban alah umbuk serta alah diemba kaban belayan sida ti nanahka Rajah. Penyakit beemba-emba tu agi penyakit nyadi ba pengidup bansa Iban kenyau ari jeman Libau Rentap kelia nyentuk ke sari tu ti ngujungka bansa Iban enda ulih nyadi tuai tauka raja megai bansa diri empu.
Kayau sadok keterubah 1857, Rajah Brooke bebalaka tiga ribu lima ratus iku pengayau dayak enggau lima ratus pengayau laut. Ba kayau tu mega tuai Laut ke benama Abang Aing bin Laksamana Aminuddin balat bendar bakal. Nyepi utai enda alah pajak. Charles Brooke mai bala iya nyurut ke diri. Jalai keterubah kayau Sadok tu nengah Batang Skrang empu. Dalam kayau keterubah tu siku manuk sabong Rentap ke benama Unsi mati laban iya ke pansut ari kuta deka ngiga Charles Brooke. Iya mati laban ditimbak bala Rajah.
Ba kayau keterubah tu , lapan hari berunggu bala Rajah merinsa laban ujan. Ujan ke nyengala enda ngetu-ngetu nya sepengelama dua ari semalam. Ujan tu ketegal bala sida Rentap ke begendang pampat dikena ngudi ari awakka rebut lalu bepuput kaya begemung, ujan lalu nelian labuh ngerunung. Lebih 70 buah perau Rajah ke ditinggal ke sida ba langkau pemasuh di Sungai Antu anyut laban bah. Lalu 40 iku sedadu Rajah mati lemas diteruju ai bah laban enda sempat ngerari ke diri. Ujan berunggu tu sekali agi ngayan ke kuasa Batu Reriga sida Rentap bisa endar laban enti kitai beratika utai tu enggau silik, bulan enam tu ending maya ari kemarau panjai di menua kitai di Sarawak ditu.
Dalam taun 1858, Charles Brooke matak kayau baru ngelaban Rentap di Bukit Sadok . Sekali tu Rajah mai bala pengayau maioh agi. Sida mega mai meriam besai siti. Lebih puluh kali bala Rajah medil kuta Rentap tang tetap nadai apa nama. Bala Rentap malas ngena seligi berachun serta digulu enggau tekang batu ke besai-besai. Nyau rais-rais panjong Rentap ‘ bai abis senapang kita ari Ai Ngelan. Kami enda takut ke orang putih”.
Nyepi enda alah laban, James Brooke mai bala iya nyurut ka diri. Ba kayau tu sida ngena jalai nengah Batang Layar laban jalai betiki ari Nanga Tiga, Layar enda tentu renjan enti dibandingka enggau jalai ari Batang Skrang.
Bulan semilan 1861, sekali agi Charles Brooke matak bala nyerang Rentap di Bukit Sadok. Sekali tub ala Rajah mai meriam besai agi ka digelar sida Bujang Sadok. Leboh maya tu, bala Iban ti nanahka Rentap nyau bebagi ati laban alah umbuk serta alah diemba kaban belayan sida ti nanahka Rajah. Penyakit beemba-emba tu agi penyakit nyadi ba pengidup bansa Iban kenyau ari jeman Libau Rentap kelia nyentuk ke sari tu ti ngujungka bansa Iban enda ulih nyadi tuai tauka raja megai bansa diri empu.
![Picture](/uploads/3/8/7/2/38727175/9627683.jpg?305)
Lebuh sida datai di kaki Bukit Sadok, Charles Brooke ngasuh Jabu Apai Umping enggau menyadi iya Ngadan Apai Rembi mai pesan ngagai bala sida Nanang menyadi minta sida nundok laban Rajah sigi nadai ati deka bemunsuh enggau Nanang. Tu mina chara kena Charles Brooke mechahka Iban Saribas ke dibatak Nanang awakka pambar ari Iban Skrang ti dibatak Rentap laban ba penemu iya “ dikena ngelaban bansa Dayak, iya mesti ngena bansa Dayak empu laban semina bansa Dayak aja ulih ngalahka Bansa Dayak.” Semadi ninga bedil sida Rentap meletup betimbak enggau bala Rajah baru sida Nanang nemu diri kena tipu. Balat bendar sida betimbak ngelaban Rentap. Rentap malas ngena Bujang Timpang Berang. Chukup ketujuh belas igi peluru mutah ari Bujang Sadok alai Rajau ke masang bedil sida Rentap pan bakal kena timbak orang ba bau. Darah iya nerutu kena ubat bedil ti ngujungka ubat bedil nya basah sereta nadai agi ulih dikena sida Rentap malas. Meda utai bakanya Rentap lalu mai bala iya ke agi idup ngerarika diri. Kuta iya lalu ditunu bala Charles Brooke.
Kenu ko sida ke tuai, benung sida iya betimbak ngelaban Rajah, dia dih terebai siku burung lalu inggap ba lalau tanju sida Rentap. Gamal burung nya baka manok enggau menaul tang besai agi ari manok. Iya lalu bemunyi kuak-kuak tang nyawa iya parau. Meda burung nya , Rentap lalu bejaku “ Enti baka tu, enda alah tanka kitai meh kuta laban manok Kumang udah datai mai kitai rari.” Nitih ke ripot Perintah Rajah mina lima iku aja bala Rentap mati nyengkaum Rajau ke masang bedil sida Rentap.
Kenu ku niang Mr. Benedict Sandin lebuh sida Rentap rari, Manang Usay enda enggau rari. Manang Usay madahka diri deka ngiga Rajah Brooke. Ninga iya madah diri deka ngiga Rajah. Iban ke nanahka Rajah Brooke minta Tuan Muda Charles Brooke ngadang engka Manang Usay tak netak iya ngena pedang. Nyau sesemak enggau Charles Brooke enda mukai-mukai kaki Manang Usay tak tesangkut ba urat engkajang ti ngujung ke teterap rebah ke tanah. Benung iya rebah Charles Brooke lalu numbuk iya ngena pisu tang ulih silat Manang Usay. Udah nya ngena Charles Brooke lalu nyintak pedang salin iya. Ngena pedang salin nya iya ngerejang perut Manang Usay ti ngujungka iya mati tekala nya. Ba kayau ketiga tu sida Rajah ngena jalai ke sebaka lebuh ke deka ngalah Rentap mayau kayau Sadok kedua iya nya nengah Batang Layar.
Kenu ko sida ke tuai, benung sida iya betimbak ngelaban Rajah, dia dih terebai siku burung lalu inggap ba lalau tanju sida Rentap. Gamal burung nya baka manok enggau menaul tang besai agi ari manok. Iya lalu bemunyi kuak-kuak tang nyawa iya parau. Meda burung nya , Rentap lalu bejaku “ Enti baka tu, enda alah tanka kitai meh kuta laban manok Kumang udah datai mai kitai rari.” Nitih ke ripot Perintah Rajah mina lima iku aja bala Rentap mati nyengkaum Rajau ke masang bedil sida Rentap.
Kenu ku niang Mr. Benedict Sandin lebuh sida Rentap rari, Manang Usay enda enggau rari. Manang Usay madahka diri deka ngiga Rajah Brooke. Ninga iya madah diri deka ngiga Rajah. Iban ke nanahka Rajah Brooke minta Tuan Muda Charles Brooke ngadang engka Manang Usay tak netak iya ngena pedang. Nyau sesemak enggau Charles Brooke enda mukai-mukai kaki Manang Usay tak tesangkut ba urat engkajang ti ngujung ke teterap rebah ke tanah. Benung iya rebah Charles Brooke lalu numbuk iya ngena pisu tang ulih silat Manang Usay. Udah nya ngena Charles Brooke lalu nyintak pedang salin iya. Ngena pedang salin nya iya ngerejang perut Manang Usay ti ngujungka iya mati tekala nya. Ba kayau ketiga tu sida Rajah ngena jalai ke sebaka lebuh ke deka ngalah Rentap mayau kayau Sadok kedua iya nya nengah Batang Layar.
![Picture](/uploads/3/8/7/2/38727175/4755557.jpg?435)
Alah di Sadok kena 28.10.1861, Rentap mindah ngagai Bukit Lanjak: Penyalin Ulu Skrang, Lemanak, Engkari enggau Katibas. Arinya sida pindah baru ngagai Nanga Bun, Ulu Kanowit sebedau pindah ke Ulu Entabai, Ulu Entaih, enggau Nanga Kuta di Ulu Julau lalu ke penudi iya ngentap ke diri di Nanga Sepanggil( Keranggan Panggil) Ulu Wak ke alai iya parai tuai urung taun 1870. Iya enda ditumbak tang dilumbong, Adat Bansa Iban kena meri basa ngagai Bujang Berani. Lumbong Niang aki kitai Rentap Libau tu agi meruan sampai ke sari tu di Bukit Sibau antara menua Ulu Kabo, Ulu Budu Saratok enggau Ulu Wak, Pakan. Tu meh siti ari jerita pemindah kitai Iban ke Julau datai ke sari tu.
Rentap bisi empat iku diri menyadi bukai ke benama Ringgit, Jarup, Lepo enggau Serini. Rentap enggau Sawai nadai anak tang iya ngiru anak indu dua iku ti benama Tambong enggau Ensimai. Ensimai tu anak menyadi Rentap empu ke benama Ringgit. Ringgit tu kepala manok sabung Rentap. Tambong belaki diambi Layang mega nadai anak. Seduai iya ngiru anak indu siku ke benama Subang. Subang tu kelia belaki diambi Penghulu Dalam Munan Anak Minggat.
Anak Rentap ke benama Ensimai belaki jadi enggau Chundau. Seduai tu meh nurunka bala peturun Rentap ti nguan menua Wak, Pakan Julau datai ke sari tu.
Ti nitih ke jerita, dengah aki kitai Libau Rentap tu kelia semina 3 igi aja nyengkaum siku bansa laut ke dipaduka Sultan Brunei ngumpul pupu pala ari bansa Iban. Laut ka dibunuh iya laban ngakal bansa Iban ngena pasu mengut ke betunjang lelapan. Nitih ke ajar Keling ari Panggau Libau ke meri iya pengaruh dikena matak serang iya ke benama Batu Jerenang, enda ngasuh iya munuh sepeneka ati semadi meh kena ngidup ke seput diri. Orang ti ngembuan Batu Jerenang tu sigi deka punas nadai anak enti sema iya empu bisi bedengah munsuh. Tuai Iban bukai ke bisi ngembuan Batu Jerenang tu Sumping, Gerinang ke besumbar Nitik, Ngumbang ke besumbar Berauh Langit enggau Munan Penghulu Dalam ke besumbar Nitar Begemung.
Jerita tu diambi ari Bup;
Iban Pegai Rajah Brooke ke ditulis Nalong Anak Buda enggau Johnny Anak Chuat
Internet : Wikipedia, the free encyclopedia
Rentap bisi empat iku diri menyadi bukai ke benama Ringgit, Jarup, Lepo enggau Serini. Rentap enggau Sawai nadai anak tang iya ngiru anak indu dua iku ti benama Tambong enggau Ensimai. Ensimai tu anak menyadi Rentap empu ke benama Ringgit. Ringgit tu kepala manok sabung Rentap. Tambong belaki diambi Layang mega nadai anak. Seduai iya ngiru anak indu siku ke benama Subang. Subang tu kelia belaki diambi Penghulu Dalam Munan Anak Minggat.
Anak Rentap ke benama Ensimai belaki jadi enggau Chundau. Seduai tu meh nurunka bala peturun Rentap ti nguan menua Wak, Pakan Julau datai ke sari tu.
Ti nitih ke jerita, dengah aki kitai Libau Rentap tu kelia semina 3 igi aja nyengkaum siku bansa laut ke dipaduka Sultan Brunei ngumpul pupu pala ari bansa Iban. Laut ka dibunuh iya laban ngakal bansa Iban ngena pasu mengut ke betunjang lelapan. Nitih ke ajar Keling ari Panggau Libau ke meri iya pengaruh dikena matak serang iya ke benama Batu Jerenang, enda ngasuh iya munuh sepeneka ati semadi meh kena ngidup ke seput diri. Orang ti ngembuan Batu Jerenang tu sigi deka punas nadai anak enti sema iya empu bisi bedengah munsuh. Tuai Iban bukai ke bisi ngembuan Batu Jerenang tu Sumping, Gerinang ke besumbar Nitik, Ngumbang ke besumbar Berauh Langit enggau Munan Penghulu Dalam ke besumbar Nitar Begemung.
Jerita tu diambi ari Bup;
Iban Pegai Rajah Brooke ke ditulis Nalong Anak Buda enggau Johnny Anak Chuat
Internet : Wikipedia, the free encyclopedia