![Picture](/uploads/3/8/7/2/38727175/8242372.jpg?1416022097)
Sejarah
Nitih ke cerita tauka Tusui ari sida ke Tuai, Aki ini Orang ba Rumah Panjai Lubok Kerupok tu kelia menya kala berumah ba siti alai ke dikumbai Tinting Kati. Kira ke 1 Kilometer ari Rumah Panjai ke diatu. Kebuah sida tu kelia berumah ba atas Tinting Kati laban kena bejaga ari serang munsuh. Laban menua maya tu agi kacau. Sepengudah ke berumah ba Tinting Kati, sida iya menya mindah ngagai siti alai ba Ulu Sungai Kedang. Ari Ulu Sungai Kedang, sida mindah ngagai siti alai tauka tanah ari atas Lubok Kerupok ianya antara siti Lubok ke pengabis besai ba Batang Kabo. Nitih ke sangka tauka tela, nama rumah Panjai tu diambi ari nama Lubok Kerupok ke ba Batang kabo nya. Tang sebedau tu, nama rumah panjai tu serta sapa Tuai Rumah tauka Tuai ke matak sida diau di Rumah Panjai Lubok Kerupok Kabo agi kurang penerang.
Nitih ke cerita tauka Tusui ari sida ke Tuai, Aki ini Orang ba Rumah Panjai Lubok Kerupok tu kelia menya kala berumah ba siti alai ke dikumbai Tinting Kati. Kira ke 1 Kilometer ari Rumah Panjai ke diatu. Kebuah sida tu kelia berumah ba atas Tinting Kati laban kena bejaga ari serang munsuh. Laban menua maya tu agi kacau. Sepengudah ke berumah ba Tinting Kati, sida iya menya mindah ngagai siti alai ba Ulu Sungai Kedang. Ari Ulu Sungai Kedang, sida mindah ngagai siti alai tauka tanah ari atas Lubok Kerupok ianya antara siti Lubok ke pengabis besai ba Batang Kabo. Nitih ke sangka tauka tela, nama rumah Panjai tu diambi ari nama Lubok Kerupok ke ba Batang kabo nya. Tang sebedau tu, nama rumah panjai tu serta sapa Tuai Rumah tauka Tuai ke matak sida diau di Rumah Panjai Lubok Kerupok Kabo agi kurang penerang.
![Picture](/uploads/3/8/7/2/38727175/4694332.jpg?1416021949)
Sepengudah ke berumah ba atas Lubok Kerupok, bala aki ini tu kelia mindah berumah ngagai atas Bukit siti enda jauh ari Nanga Sungai Kedang. Pemanjai rumah tu 16 pintu, digaga ngena kayu serta bergantung ari tanah. Rumah tu di rumpang antara Taun 1987-1988, Tuai Rumah maya tu ianya Tuai Rumah Budin anak Talit. Rumah tu dirumpang laban sida serumah sama bela setuju ka berumah baru ba siti tanah ke landai semak Karangan Kara. Laban ke enda jadi berumah semak Karangan Kara, sida lalu berumah baru ba tanah rumah lama, lalu tembu dalam urung Taun 1992 enggau pemanjai 22 pintu. Kira 10 Taun udah diau ba rumah tu, sida iya lalu berumah baru ba siti tanah semak jalai alun, muak ari kiba ngulu Sungai Kedang. Pemanjai rumah tu ke diatu bisi 15 pintu enggau penyampau tubuh 85 iku serta betuai ke Tuai Rumah Budin Anak Talit. Rumah Panjai tu ulih diusung, dilawa tauka ulih gagai nengah jalai darat. Menya orang rumah panjai tu ke pasar nengah jalai ai ngena perau panjai ngili Batang Kabo ke benanga tauka bepati ba Batang Ai Krian Saratok. Ti enda salah ingat, ti maya ai bah kira ke 2 jam lebih datai di Wong Besi. Ti maya ai Langkang kira 3-5 jam baru datai ba Wong Besi. Pia mega maya ke pulai, malam baru datai di rumah. Ti bejalai kaki tauka bedarat, kira ke dalam 4 jam ngagai simpang pangka ba Kabo ili (simpang pangka). Tu cerita maya udah bisi jalai ngulu Batang Krian. Sebedau tu, bala orang di rumah tu bedarat ke Brayang, Roban nengah menua ti dikumbai orang kampong Gerugu. Penyauh iya kira ke 6 jam masang 6 jam pulai. Sida tu ngalu ngagai Kedai Tama (kedai tu ari kiba kitai ke Sarikei- diatu), bisi mega lalu ngalu ke Jakar serta ke Sarikei ngena Bas maya nya menya.
Penatai Asal
Ti nitih ke penerang, orang Iban ke diau ba Ulu Kabo enggau Lempa datai ari menua siti ti dikumbai Meruh di Batang Paku. Tuai Iban ke matak orang pindah kitu menya benama Isut. Nyadi tuai ka benama Isut tu angkat ari Meroh, Paku lalu melunggang ke Kabo, tang iya ninting, enda ngilika Batang Krian laban nebing ai Krian udah diuan Iban magang. Nya alai iya terengkah lalu mungkal berimba menua Lempa enggau Ulu Kabo.
Bisi mega cerita madah ke Bala Iban di Ulu Kabo tu datai ari Nanga Kabo mindah kulu kitu laban ke enggai nundok ke Rajah Brooke. Ketegal ke enggai nundok ke Rajah, bala sida tu lalu bisi enggau nguta ba Bukit Dugan di Menua Julau begulai enggau Ranggau ( Enjop menyadi Balang Balai Nyabong) seduai Janting ( Lang Labang).
( sapa ke bisi nemu enggau silik pasal Rumah Panjai Lubok Kerupok –Tau Email ngagai e-mail [email protected])
Penatai Asal
Ti nitih ke penerang, orang Iban ke diau ba Ulu Kabo enggau Lempa datai ari menua siti ti dikumbai Meruh di Batang Paku. Tuai Iban ke matak orang pindah kitu menya benama Isut. Nyadi tuai ka benama Isut tu angkat ari Meroh, Paku lalu melunggang ke Kabo, tang iya ninting, enda ngilika Batang Krian laban nebing ai Krian udah diuan Iban magang. Nya alai iya terengkah lalu mungkal berimba menua Lempa enggau Ulu Kabo.
Bisi mega cerita madah ke Bala Iban di Ulu Kabo tu datai ari Nanga Kabo mindah kulu kitu laban ke enggai nundok ke Rajah Brooke. Ketegal ke enggai nundok ke Rajah, bala sida tu lalu bisi enggau nguta ba Bukit Dugan di Menua Julau begulai enggau Ranggau ( Enjop menyadi Balang Balai Nyabong) seduai Janting ( Lang Labang).
( sapa ke bisi nemu enggau silik pasal Rumah Panjai Lubok Kerupok –Tau Email ngagai e-mail [email protected])
![Image result for gif animated header](https://animatedblogheaders.files.wordpress.com/2008/11/ripple-pond-header.gif)