Tempalai Jaku
Aku dulu meri tabi basa ngagai kita bala maioh.Tuju aku nukuk Website tauka Laman Web Rumah Budin awak ke kitai ke rebak diatu enggau anak telesak, uchu ambu, ichit wit, tiris pantis, darah getah kitai Bansa Iban dudi ari ila ulih beratika ubah pemansang, ngingat ke penatai asal, mansik asal aki ini apai indai kitai ke datai ari Rumah Panjai ti benama Lubok Kerupok Kabo.
Aku tu nguji nusoi nguji nyerita nguji ngenatai, enda indah baka DJ radio ngerah ngena radio churong, enda indah baka bas ngetu besambung-sambung, enda indah baka pua seribu tampung,enda indah baka manang ke nyada nusun leka renung, awakka bisi dipeda bisi ditampung, awakka enda tenggelam dilamun gelumbang malun kerangan, awakka enda tebasau lenyau ditating umbang daun rau, awakka enda lelang ngilah langit pintu remang, awakka enda midang dipereka singkah ubah pemansang.
Aku tu ukai ka baka Remaung ka ngayan ke belang, ukai ka baka Ular ka ngayan ke sima, ukai ka baka Ruai ka ngayan ke langgai. Tang laban ati ke seruran ka nemu ka mansik ka nyidik pasal aki ini kitai kelia datai serta lalu diau mendam di Lubok Kerupok Kabo Saratok. Nyalai nyau ngasuh ati ka nela dini alai umai bali temuda, dini alai pendaie penyangkai lama, dini alai tembawai kitai rumah suba. Pia mega ka nemu sapa tuai ke datai mai berimba mungkal menua, tuai ke mai muai batang ke ngempang nyegang, tuai ke mai bumai ngaga alai.
Aku nguji nyampi munyi Menani Manang Menyaya, dulu aku minta ampun ari kaki nyentukka punjung pala nyangka jaku bisi saru enda manah didinga, nyangka kenang bisi limpang jauh lelang serata dunya , nyangka sampi lain munyi enda sebaka leka.Iya ti kena tau diambi bala kita, taruh teguh ambika pesaka bansa awakka uchu ambu ke dudi hari ila bisi utai dipeda tau ditunda pupu raban bansa Iban. Iya ke salah tau dibantah buai ke tingkah lubuk dalam tiga, nya menoa aki Raja Baya kedua bali nama Bujang Senang, awakka baya enda agi ngachau anak mensia ke benyawa nukang ka rang.
Sapa ke bisi buah runding tau anjung ngagai email : [email protected]
Aku dulu meri tabi basa ngagai kita bala maioh.Tuju aku nukuk Website tauka Laman Web Rumah Budin awak ke kitai ke rebak diatu enggau anak telesak, uchu ambu, ichit wit, tiris pantis, darah getah kitai Bansa Iban dudi ari ila ulih beratika ubah pemansang, ngingat ke penatai asal, mansik asal aki ini apai indai kitai ke datai ari Rumah Panjai ti benama Lubok Kerupok Kabo.
Aku tu nguji nusoi nguji nyerita nguji ngenatai, enda indah baka DJ radio ngerah ngena radio churong, enda indah baka bas ngetu besambung-sambung, enda indah baka pua seribu tampung,enda indah baka manang ke nyada nusun leka renung, awakka bisi dipeda bisi ditampung, awakka enda tenggelam dilamun gelumbang malun kerangan, awakka enda tebasau lenyau ditating umbang daun rau, awakka enda lelang ngilah langit pintu remang, awakka enda midang dipereka singkah ubah pemansang.
Aku tu ukai ka baka Remaung ka ngayan ke belang, ukai ka baka Ular ka ngayan ke sima, ukai ka baka Ruai ka ngayan ke langgai. Tang laban ati ke seruran ka nemu ka mansik ka nyidik pasal aki ini kitai kelia datai serta lalu diau mendam di Lubok Kerupok Kabo Saratok. Nyalai nyau ngasuh ati ka nela dini alai umai bali temuda, dini alai pendaie penyangkai lama, dini alai tembawai kitai rumah suba. Pia mega ka nemu sapa tuai ke datai mai berimba mungkal menua, tuai ke mai muai batang ke ngempang nyegang, tuai ke mai bumai ngaga alai.
Aku nguji nyampi munyi Menani Manang Menyaya, dulu aku minta ampun ari kaki nyentukka punjung pala nyangka jaku bisi saru enda manah didinga, nyangka kenang bisi limpang jauh lelang serata dunya , nyangka sampi lain munyi enda sebaka leka.Iya ti kena tau diambi bala kita, taruh teguh ambika pesaka bansa awakka uchu ambu ke dudi hari ila bisi utai dipeda tau ditunda pupu raban bansa Iban. Iya ke salah tau dibantah buai ke tingkah lubuk dalam tiga, nya menoa aki Raja Baya kedua bali nama Bujang Senang, awakka baya enda agi ngachau anak mensia ke benyawa nukang ka rang.
Sapa ke bisi buah runding tau anjung ngagai email : [email protected]
![]() |
![]() |